Nicola Peltz dhe Brooklyn Beckham po e duan edhe më shumë njëri-tjetrin pas kritikave publike me të cilat janë përballur në lidhje me grindjen e aktores me nënën e burrit të saj, Victoria Beckham.
“Ne e kemi gjithmonë anën e njëri-tjetrit, pa marrë parasysh çfarë. Në fund të fundit, ne jemi miqtë më të mirë dhe nuk do ta kishim ndryshe,”– tha çifti për Vogue Hong Kong kur u pyetën se si e trajtojnë “komentimin e jashtëm” të situatës së tyre.
“Ne nuk mendojmë për marrëdhënien tonë si në qendër të vëmendjes, ne thjesht mendojmë për ne si të jemi në një lidhje”- shtojnë më tej çifti i njohur.
Brooklyn, 23, dhe Peltz, 27, kanë mohuar se ka ndonjë problem midis ‘nuses’ dhe vjehrrës së saj, ku aktorja e “Transformers” beson se zhurma filloi kur ajo nuk kishte veshur një fustan të markës Victoria Beckham në ditën e saj të dasmës, duke zgjedhur Valentino.
Çifti u martua në prill , ndërsa Brooklyn zbuloi gjatë bisedës se ai e dinte se donte të martohej me bukuroshen gjatë vizitës së saj të parë në Londër.
“Para se ajo të ishte gati të largohej, bleva sediljen e fundit në aeroplan dhe u ktheva në Nju Jork me të”, tha shefi i kuzhinës. “Ky është momenti kur e dija se nuk doja kurrë të ndahesha prej saj.”
Peltz shtoi se ata aktualisht e ndajnë kohën e tyre mes Londrës dhe Los Anxhelosit.
“Sa herë që shkojmë në Londër, Brooklyn emocionohet shumë për të më treguar të gjitha vendet ku është rritur. Kur jemi në LA, ne kemi traditat tona të vogla që na bëjnë të lumtur,” tha Peltz. “Çdo të diel shkojmë në tregun e fermerëve dhe këto gjëra të vogla e bëjnë të ndihet si në shtëpi. Los Angeles është vendi ku kalojmë pjesën më të madhe të kohës.”
Çifti gjithashtu nuk i kursyen fjalët e ëmbla për njëri-tjetrin kur u pyetën se cilat cilësi i çmojnë më shumë njëri-tjetrit.
“Mirësjellja e tij, zemra e tij dhe ndjeshmëria e tij,” u përgjigj Peltz, ndërsa Beckham u përgjigj: “Ajo është e përsosur në çdo mënyrë”.
