Saimir Pirgu ka marrë pjesë në ceremoninë ku Luciano Pavarotti, një prej tenorëve më të famshëm në botë, u nderua me yllin e tij në ‘Hollywood Walk Of Fame’, në Los Angeles. Në inagurimin e “tempullit” të ri të Pavarotti-t, mori pjesë e bija Cristina Pavarotti, e cila gjatë fjalimit tha se ndihej “akoma e trullosur” përballë këtij nderimi që i bëhej arritjeve të të atit.
“Mirënjohja jonë u shkon të gjithë atyre që e donin, e mbështetën dhe kontribuan në organizimin e këtij eventi në nder të babait tim. Kur mendoj për punën, suksesin dhe arritjet e tij, ndihen akoma e trullosur. Do të doja ta shprehja sesa shumë do kisha dëshirë që ai të ishte këtu sonte, por as yjet nuk kanë kaq shumë fuqi…”- u shpreh e bija e të ndjerit, e cila shtoi se nuk kishte rëndësi sesa i lodhur ndihej i ati pas një koncerti, ai do t’i përgjigjej fansave duke i dhënë autografë për t’u siguruar që ata të mos ktheheshin me duart bosh në shtëpi.
Krah saj qëndronte Pirgu i cili publikoi edhe një video në llogarinë e tij të Instagramit nga ajo ditë. Ai shkruanL
“Fryma e tij. Teksa ecja drejt vendit tempull, ku do të inagurohej ylli i Luciano Pavarotti-t (më i shkëlqyeshmi mes asaj yllësie) përkrah vajzës së tij, Cristina ndjeva në ato çaste të më pushtojë një forcë e çuditshme, prej së larti, si erë hyjnore. M’u bë sikur eca mbi një shtrojë qiellore përkrah Luciano Pavarotti-t, si përkrah vetë Zotit, nën zërin e tij mahnitës që e mbuloi kryefund Los Angeles-in dhe u shtri përtej në univers… Këtë ditë gushti, bota dëgjoi zërin e Zotit.”
View this post on Instagram
Pavarotti kujtohet si një prej këngëtarëve operistikë më të mëdhenj të të gjithë kohërave, i cili i dhuroi botës plot 378 performanca në teatrot më prestigjioze botërore.
