Tashmë nuk është më sekret se Luana Vjollca do të sjellë shumë shpejt një bashkëpunim me artistin australian, Faydee.
Ditën e sotme, moderatorja ka publikuar një video në profilin e saj në “Instagram”, ku shfaqet së bashku me Faydee dhe i mëson shqipen këngëtarit ndërsa tregon edhe mendimin e tij për vajzat shqiptare.
Teksa Luana i kërkon atij që të thotë “faleminderit” dhe “të dua shumë”, këngëtari australian kujton se këtë shprehjen e fundit e dëgjon shumë nga vajzat shqiptare.
“Ato më thonë ‘të dua shumë’ gjatë gjithë kohës”, dëgjohet të thotë Faydee, e më pas të dy nisin të qeshin.
