Eni Koçi prej disa vitesh po shijon një lidhje dashurie me këngëtarin Genc Prelvukaj. Që kur romanca e tyre u bë publike, dyshja nuk i kursen fotot dhe videot bashkë në rrjete sociale.
Së fundmi, Eni bëri një bisedë me ndjekësit e saj, të cilët i bënë pyetje nga më të ndryshmet, duke filluar nga jeta private e deri tek kujdesi për fizikun.
“Kur do e bësh dasmën?”, e pyeti një ndjekëses, së cilës Eni iu përgjigj: “Nuk besoj që do bëj dasëm. Çdo ceremoni simbolike e kemi bërë vetëm me familjet tona”, duke ngritur dyshime se bashkë me Gencin janë celebruar në një ceremoni private, larg syrit të publikut.
Ndërkohë, një tjetër e pyeti artisten se çfarë bën për të qenë në super formë fizike. Eni shkroi:
“Të them të drejtën pata një periudhë që shtova shumë peshë dhe mendoj që shkak u bë pasoja e tmerrshme që më la Covid me shijen. Shumica e ushqimeve më vinin aromë e keqe ndaj konsumoja shumë brumëra (jo se tani jam më mirë me shijen, por sikur u mësova të jetoj me problemet e shijes). Tani jam 66 kilogramë dhe jam në proces për të hequr dhe 2-3 kilogramë të tjera”.
Në muajin tetor do të nisë transmetimi i “Big Brother VIP” dhe ndjekësit e Enit ishin kuriozë të dinin nëse këngëtarja do të jetë një nga personazhet. Por Koçi zbuloi se nuk do të marrë pjesë në këtë format, duke u përgjigjur me një “Jo”.
