Teksa pritet të startojë së shpejti, spektakli i njohur i kërcimit “Dancing with the Stars”, po zbulon detaje të reja përfshirë edhe emrat e konkurrentëve.
Së fundmi është konfirmuar që konkurrnetja e radhës në spektaklin e kërcimit do të jetë partnerja e reperit Ledri Vula, Sara Hoxha. Lajmi është konfirmuar në faqen zyrtare të ‘Dancing With the Stars’ në Instagram.
“Gati për të thyer rrjetin me kërcimet e saj, Sara Hoxha, influencer, nis rrugëtimin në #DWTS”- shkruhet krahas fotos së blogeres.
Kujtojmë se deri më tani konkurrenti i konfirmuar zyrtarisht është anëtari i grupit “Asgjë sikur Dielli”, Alban Nimani.
“Për të treguar se sa do të shkëlqejë ylli i tij në kërcim, i bashkohet kastit të #DWTS, solisti i grupit “Asgjë sikur dielli”. Mirë se vjen Alban!”- thuhet në faqen zyrtare në Instagram.
Sipas Kryefjala.com në ambientet e këtij televizioni po flitet se moderatorja kryesore në skenë Bora Zemani do të shoqërohet nga partneri i saj Donald Veshaj, i cili do të presë personazhet në “Gold Room”, (dhoma ku qëndrojnë konkurentët) pas performancës.
Tanimë që ribashkimi i çiftit është pranuar edhe nga ato vetë publikisht, përveçse partnerë në jetë do të jenë edhe në skenë. Të njëjtat zëra bëjnë me dije se romanca e dyshes duke qenë se ndiqet me kërshëri nga publiku do të përdoret për të për të rritur audiencën e “Dancing With the Stars”.
Nga ana tjetër, përballë tyre do të jetë Ilir Shaqiri. Kohët e fundit është përfolur se balerini i kishte thënë po ofertës për të shkuar në Tv Klan si kryetar jurie te “Dance with me”, por në fakt ky lajm është i pavërtetë. Fituesi i “Big Brother” do të jetë nën logon e Top, por jo vetëm kaq.
Një tjetër emër i Klan i bashkohet “Dancing with the stars”. Kështu, pas disa vitesh si pjesë e jurisë së “Dance with me”, Valbona Selimllari do të jetë në juri së bashku me Ilirin.
