Katy Perry po e feston ditëlindjen e saj të 37-të në Meksikë së bashku me të fejuarin Orlando Bloom.
Ylli i popit dhe partneri i saj aktor u fotografuan të enjten duke shijuar rrezet e diellit në një jaht luksoz të quajtur “Happy Endings” në Cabo San Lucas.
Çifti ndodhet nën shoqërinë e miqve të tyre dhe janë fotografuar duke pirë birra dhe duke u argëtuar, ndërkohë që Perry shihet duke mbajtur në krahë qenin e saj të quajtur Nugget.
Sipas Mirror, çifti dhe miqtë kanë qëndruar në resortin luksoz “Nobu Los Cabos” këtë javë dhe në ditën e festës për ditëlindjen e Perry, Bloom, i bëri një dedikim të bukur partneres në rrjetet sociale.
“Ne e shijojmë jetën siç duam dhe është argëtuese. Festofshim sot dhe çdo ditë. Të dua”, ka shkruar ai teksa ka postuar një foto të saj duke fikur qirinjtë.
