Fustane të zinj të dyja, një aksesor që bie në sy për njërën dhe vathë të vegjël për tjetrën. Kate dhe Meghan u ribashkuan sërish në ceremoninë për nder të Mbretëreshës Elizabeth në Westminster Hall. Ekstragavante Princesha e re e Uellsit, më modeste Dukesha e Sussex. Së bashku me to edhe Camilla që mbante një karficë simbolike dhe Sophie e cila i dha formë dhimbjes së saj duke u veshur me të zeza.
Camilla, Kate, Sophie dhe Meghan mbërritën me makinë në ceremoni. Ndërsa makinat largoheshin nga Buckingham Palace, një dritë ndriçoi të gjithë rrugën. Ishte karfica e zgjedhur nga Princesha e Uellsit, një xhevahir në formë gjetheje me diamante dhe perla që i përkiste mbretëreshës Elizabeth.
Dihet pak për origjinën e xhevahirit të çmuar. Ajo e mbajti atë në vitin 1999 në Korenë e Jugut, pikërisht në ditëlindjaen e saj në një koncert në Seul. Karfica qëndroi në sirtar për shumë vite derisa u shfaq në Belgjikë në vitin 2017 me rastin e njëqindvjetorit të Betejës së Passchendaele. Kate e kishte vendosur atë në një nga fustanet e saj Catherine Walker pranë lulëkuqes që përkujton të rënët në luftë.
Xhevahiri u kthye në vitin 2018 për takimin e zakonshëm të Festivalit të Kujtesës në Royal Albert Hall për të përkujtuar njëqind vjet nga përfundimi i luftës së madhe. Sa i përket simbolikës, edhe vathët nuk kanë më pak vlerë. Etiketuar si vathë Collingwood, ata janë një dhuratë për Lady D për martesën e saj të vitit 1981 me Charles nga dyqani i besuar i bizhuterive të familjes Spencer, Collingwood. Diana i veshi ato shpesh, ndërsa Kate filloi t’i vishte në vitin 2017 në një banket shtetëror. Së fundmi i ka shfaqur në një nga portretet e realizuara nga Paolo Roversi për ditëlindjen e tij të dyzetë.
Meghan u shfaq padyshim me rroba të errëta, por shumë e thjeshtë për të shmangur çdo kritikë se po kërkon të jetë qendra e vëmendjes. Ajo mbante një palë vathë pas thjeshtësisë së dukshme të të cilëve fshihet një moment i madh: dalja e parë zyrtare me Elizabeth II në 2018.
Sipas raportimeve, vathët ishin një dhuratë nga mbretëresha për të. Po ashtu ajo kishte veshur një pallto që e kishte patur që nga jeta e saj në Familjen Mbretërore: një veshje Givenchy e veshur në të Dielën e Përkujtimit në 2018 dhe më vonë në 2019 për një vizitë në Shoqatën e Universiteteve të Komonuelthit.
© Panoramaplus.al
