Së fundmi reperja Tayna është kthyer në një ndër personazhet më të përfolur, si dhe këngët e saj po thyejnë rekorde shikueshmërie në kanalin e “Youtube”-it.
Edhe pse në një moshë të re, Tayna ka arritur që të jetë mjaft e suksesshme në tregun muzikor. Por mesa duket ajo po i kushton vëmendje të madhe edhe shkollimit.
Teksa ka qenë e ftuar në emisionin “Express Morning”, reperja ka zbuluar se këtë vit do të diplomohet në degën e shkencave kompjuterike.
“Jam në vitin e tretë për shkenca kompjuterike. Gjithmonë edukimin e kam pasur të rëndësishëm dhe ma merr mendja me thënë “s’kam fakultet” në ditët e sotme s’është shumë lavd. Unë jam pro edukimit dhe me pas një diplomë përveç karrierës, me pas dhe një plan B se këndimi nuk zgjat gjithë jetën”, është shprehur Tayna.
