Të shtunën që kaloi, moderatorja e njohur, Jonida Vokshi dhe partneri i saj, Besnik Krapi, kurorëzuan në martesë dashurinë e tyre.
Ceremonia u mbajt më datën 14, buzë detit dhe çdo detaj tërhoqi vëmendjen pasi ishte realizuar me aq kujdes dhe thjeshtësi.
Çifti festoi deri në orët e para të mëngjesit, në praninë e miqve e familjarëve të tyre.
Atë ditë, Jonida nuk publikoi asnjë fotografi nga dita e saj e veçantë, por ishin miqtë ata që zbuluan se si u duk nuse moderatorja.
Por pas dasmës, ajo vendosi që me ndjekësit e saj të ndante momentet më të bukura të ceremonisë, të cilat do të mbeten përjetë në memorien e moderatores dhe Besnikut.
Në një postim në “Instagram”, Jonida ka falenderuar çdokënd që ia ka bërë ditën speciale edhe më të veçantë e të bukur.
“Momenti më emocionues i jetës”, shkruan ajo krahas fotove të dasmës, ku ka marrë urime të shumta nga fansat e saj. 
