Këngëtarja ka folur për origjinën e saj në një intervistë për “Wired”. Ylli i popit sqaroi termin mes “shqiptarë” dhe “kosovarë”.
Teksa po u përgjigjej disa pyetjeve më të kërkuara për të në Google, 30-vjeçarja tregoi lidhjen e saj me aktorin e famshëm Jim Belushi.
“Ne jemi të dy nga i njëjti shtet, nga Kosova. Ka aktualisht plot artistë të mrekullueshëm që vijnë nga vendi im. Jam shumë krenare për këtë. Ai është një ikonë në Kosovë”, – u shpreh ajo.
Pas kësaj ishte pyetja “A është Rita Ora shqiptare”, dhe këngëtarja famshme u përgjigj: “Po, por më lini t’ua shpjegoj pak pasi është disi e komplikuar. Kosova është e pavarur tashmë, por nuk ka qenë më parë. Për vite të tëra une kam thënë që shqiptare, jam shqiptare, shqiptare, por aktualisht jam kosovare, megjithatë është pothuajse e njëjta gjë”.
Rita Ora u shpreh se e flet gjuhën shqiptare pasi prindërit e saj komunikonin shqip në shtëpi dhe u shpreh se kjo është diçka e mirë “pasi njerëzit në publik nuk e kuptojnë çfarë thotë”.
“Po flas shqip, prindërit e mi më kanë rritur duke folur shqip në shtëpi. Në të njëjtën kohë po mësonin anglisht. Falënderoj Zotin që ma kanë mësuar. Sidomos në publik, kur njerëzit e tjerë nuk të kuptojnë se çfarë po flet”, përfundoi artistja.
/Panoramaplus.al
