Gjatë spektaklit të së martës, si rrallë herë më parë në shtëpinë e “BBV” pati dy eliminime, ku njëri prej tyre ishte Dj Dagz, i cili hoqi dorë përfundimisht nga çmimi i madh. Eliminimi i dytë ishte një surprizë dhe befasi për banorët VIP.
Pas largimit nga shtëpia, ka reaguar menjëherë shoku i tij, Dj PM në rrjetet sociale duke e përgëzuar Arbrin për rrugëtimin e tij.
“Krenar për ty vëlla, tani është koha. #itsPMandDAGZ. Të dua deri në vdekje bashkë”- ka shkruar DJ Pm mbi foton e postuar ku shfaqet i përqafuar me Arbrin.
Rikujtojmë që dy djemtë e nisën rrugëtimin bashkë por kur u eliminuan, produksioni hapi sërish televotimin dhe publiku vendosi që Dj Dagz të rikthehej brenda në shtëpinë e famshme.
Gjatë qëndrimit në BBV, ai nisi një romancë me moderatoren, Einxhel Shkira, e cila nuk e përjetoi aspak mirë largimin e tij.
