Justin Bieber ka folur për herë të parë lidhur me sëmundjen e partneres së tij, Hailey Bieber gjatë turneut të fundit të quajtur ‘Justice”.
“Shumica prej jush me siguri e dinë ose i kanë parë lajmet për gruan time … por ajo është mirë, ajo është e fortë”, tha këngëtari i “Peaches” gjatë një momenti në koncertin e tij në Denver .
Ai shtoi se e gjitha kjo ishte një eksperiencë mjaft e frikshme, po me ndihmën e Zotit të dy ata ja kanë dalë.
“Por ka qenë e frikshme, ka qenë vërtet e frikshme. Por unë e di me të vërtetë se Zoti e ka atë në pëllëmbët e duarve të tij dhe kjo është një gjë e mirë”, shtoi tutje ylli i muzikës.
Ju rikujtojmë se dyshja e kanë zbuluar përmes një postimi në Instastory sëmundjen e Hailey-t e cila u shtrua në spital për shkak të një urgjence mjekësore si pasojë e një goditjeje në tru.
Ata kanë zbuluar se modelja kishte pësuar një mpiksje gjaku, që shkaktoi mungesë oksigjeni, por fatmirësisht brenda disa orëve arriti të stabilizohej.
© Panoramaplus.al
