Këngëtarja Jesy Nelson ka zbuluar se është përpjekur të vetëvritet dhe se ishte mamaja ajo që iu lut të hiqte dorë nga grupi “Little Mix”, që po i shkaktonte këtë gjendje të rënduar psikologjike.
Sipas “Daily mail”, 30-vjeccarja foli për problemet e shëndetit të saj mendor në podkastin “Happy Place”. Ajo zbuloi se mesazhet negative që merrte ccdo ditë që pas famës nga “X Factor” në vitin 2011, e detyruan të merrte mbidozë lëndësh narkotike për të “shpëruar” nga ndjesia e tmerrshme që kishte për pjesën më të madhe të kohës në “Little Mix”.
Ajo tha se nëna e saj, Janice White, ishte shumë e shqetësuar pas shtrimit në spital të këngëtares dhe i kërkoi që të largohej nga grupi. Por pas një jave, Jesy-t i duhej të xhironte një tjetër video muzikore.
Këngëtarja foli me guxim për betejën e saj me depresionin. Ajo zbuloi se bullizmi në rrjet e detyruan të mendojë vetëvrasjen në vitin 2013. Në dhjetor, Jesy njoftoi fansat se është larguar përgjithmonë nga grupi, për shkak të problemeve mendore.
“E vërteta është se kohët e fundit të qenit në grup ka ndikuar shumë në shëndetin tim mendor. E kam shumë të vështirë presionin e vazhdueshëm për të qenë pjesë e një grupi vajzash dhe për të përmbushur pritshmëritë. Vjen një moment në jetë kur ke nevojë të riinvestosh në kujdesin për veten në vend që të përqendrohesh në lumturinë e njerëzve të tjerë, prandaj tani është koha për të nisur këtë proces”,- tha këngëtarja.
