Bradley Cooper dhe Irina Shayk po shijojnë për herë të parë pushimet në ishullin tropikal që pas ndarjes së tyre në vitin 2019.
Modelja, ndau fotot në Instagramin e saj nga pushimet tropikale ku shfaqej krah aktorit. Shayk pozoi e shtrirë në rërë pranë një derri, ndërsa kishte veshur bikini shumëngjyrëshe.
Në fotot e tjera aktorja dukej e qeshur pranë ish-partnerit ndërsa ushqenin disa kafshë. Gjithashtu Irina dukej goxha e afërt me Bradleyn teksa mbështeste kokën mbi shpatullën e tij.
Modelja dhe aktori janë prindër të një vajze 5-vjeçare, Lea De Seine. Vogëlushja nuk u pa në fotot e publikuara. Ish-çifti kanë ruajtur raporte të mira që nga ndarja e tyre, madje janë parë të kapur për dore nëpër rrugët e New York City.
Irina së fundmi pati një romancë me Kanye West vitin e kaluar, por që nuk zgjati shumë. Pavarësisht zërave, një burim tha për PEOPLE se romanca mes Irina dhe Kanye ‘nuk ka qenë kurrë një gjë serioze’.
Burimet thanë: “Kanye ka qenë i zënë duke punuar dhe duke kaluar kohë me fëmijët e tij. Ky është fokusi i tij. Ai nuk ka kohë të dalë me dikë tani. Megjithatë, ata mbeten miq.’
Ndërkohë, përflitet se Bradley është në lidhje me Huma Abedin, një ish ndihmëse e Hillary Clinton. Një burim i brendshëm i konfirmuar për PageSix, Bradley dhe Huma kanë qenë në lidhje të fshehtë për muaj të tërë pasi Cooper u nda me aktoren Diana Argon.
