Beqare dhe jo e gatshme për të nisur një romancë të re.
Kim Kardashian duket se ka ndryshuar mendim për planet e saj në jetën sentimentale.
Kur u pyet në “Live with Kelly and Ryan” të hënën se me çfarë lloj partneri e sheh veten më pas, themeluesja e Skims, u përgjigj duke qeshur, “Absolutisht askush”.
Kardashian, e cila u nda nga Pete Davidson në gusht pas nëntë muajsh lidhjeje, së fundmi tha se mund ta imagjinonte veten të takohej me një “shkencëtar, neuroshkencëtar, biokimist, doktor ose avokat”.
41-vjeçarja tha të hënën se “një tufë” burrash në ato fusha “u ofruan” kur ajo bëri atë deklaratë, por ajo pranoi se “thjesht nuk është gati”.
“Unë nuk jam duke kërkuar për asgjë,” theksoi ajo. “Mendoj se me të vërtetë duhet të jem vetëm, të fokusohem dhe të mbaroj shkollën dhe të fokusohem tek fëmijët e mi.”
Kardashian kaloi provimin për avokatinë në dhjetor 2021 pas tre përpjekjeve të dështuara dhe është ende në rrugën për t’u bërë avokate.
Prezantuesja e këshilloi Kardashian se duhet të takohej me një “titan” të industrisë, sepse kjo është ajo që ylli i “Kardashians” është dhe ajo që “i nevojitet”.
Kardashian ndoshta ka qenë në këtë rrugë më parë me CEO të Yeezy, Kanye West.
Megjithatë, ylli i realitetit bëri kërkesë për divorc nga West, në shkurt 2021 pas gati shtatë vitesh martesë dhe katër fëmijëve. Ata u shpallën ligjërisht beqarë këtë mars.
Para ndarjes së tyre, Kardashian la të kuptohej se dëshironte një lidhje ku ajo mund të shijonte “gjërat e vogla”.
Unë i kam të gjitha gjërat e mëdha,” tha ajo në një episod të “Keeping Up With the Kardashians” që u transmetua në qershor 2021.
“Unë kam gjithçka ekstravagante, që mund të imagjinoni ndonjëherë, dhe askush nuk do ta bëjë kurrë kështu. E di këtë… dhe jam mirënjohëse për ato përvoja. Por, mendoj se jam gati për përvojat më të vogla që mendoj se do të kenë shumë kuptim.”
Kardashian ishte e martuar më parë me Kris Humphries për 72 ditë në vitin 2011 dhe producentin muzikor Damon Thomas nga viti 2000 deri në 2004.
