Komediani amerikan Jay Leno ka dalë nga spitali pas kujdesit që mori për djegiet e pësuara nga zjarri në garazhin e tij në Kaliforni.
72 vjeçari kaloi 10 ditë në një spital në Los Anxhelos pasi pësoi lëndime në fytyrë, gjoks dhe duar.
Ai do të vazhdojë të marrë kujdesin e metejshëm.
Mjeku i Leno tha se ishte i kënaqur me përparimin e pacientit të tij.
Dr Peter Grossman, një kirurg i djegieve dhe kozmetikës, tha se ishte optimist se ish-prezantuesi i Tonight Show do të shërohej plotësisht.
Spitali publikoi gjithashtu një foto të Lenos duke buzëqeshur me stafin e spitalit, ku shiheshin qartë lëndimet në nofullën, qafën dhe duart.
Leno pësoi djegie të shkallës së dytë më 12 nëntor në një shpërthim të shkaktuar ndërsa ai ishte duke punuar nën një makinë të vjetër në garazhin e tij.
Ai kreu dy operacione të lëkurës.
Leno “mezi pret të kalojë Ditën e Falënderimeve me familjen dhe miqtë teksa u uron të gjithëve një festë të mrekullueshme”, tha spitali të hënën.
Komediani u largua nga The Tonight Show në vitin 2014. Në vitin 2015 ai nisi një program televiziv të quajtur Jay Leno’s Garage, ku drejtonte makina të rralla dhe të vjetra me njerëz të famshëm.
Në një episod gjatë muajit të kaluar, Presidenti i SHBA Joe Biden u shfaq në shfaqje, duke garuar me një Stingray Corvette të vitit 1967 me shpejtësi deri në 118 mph (190 km/h).
© Panoramaplus.al
