Këngëtarja Rita Ora dhe regjisori Taika Waititi duket se po e forcojnë gjithnjë e më shumë lidhjen e tyre të dashurisë. 46-vjeçari ka nisur dedikimet në shqip për artisten dhe ka zbuluar se si e thërret me përkëdheli atë.
Së fundmi, Taika publikoi në llogarinë e tij në Instagram një video të shkëputur nga koncerti i saj në Paris, Krahas saj, regjisori vendosi flamurin shqiptar dhe zbuloi se partneren e tij e quan “zog”.
Çifti bëri daljen e parë publike bashkë në festën e 4 korrikut, të organizuar nga këngëtarja, ‘Rita-s Prospero Tequila’. Më pas ata u shfaqën në “Met Gala” si çift. Dyshimet se dyshja kishin nisur një romancë nisën në fillim të këtij viti kur këngëtarja publikoi në Instagram-in e saj një foto krah Taika-s.
Rita dhe partneri i saj kanë ngritur dyshimet se i kanë çuar gjërat në një tjetër nivel dhe janë fejuar, pasi këngëtarja u shfaq me një unazë diamanti në gishtin e fejesës gjatë një eventi të rëndësishëm, ku ishte veshur me “Prada”. Ajo gjithashtu ka zbuluar se Taika e thërret “nuse”, duke lënë vend për dyshime se planet për një dasmë mund të jenë të afërta.
