Një grua ka mbetur e vrarë dhe një tjetër është plagosur nga të shtënat me armë zjarri të aktorit Alec Baldwin gjatë xhirimeve të filmit “Rust” në New Mexico të enjten.
Sipas “CNN”, drejtoresha e fotografisë Halyna Hutchins, 42 vjeçe, u transportua në spital me helikopter dhe u shpall e vdekur nga personeli mjekësor në Spitalin e Universitetit të New Mexico, sipas Zyrës së Sherifit të Qarkut Santa Fe.
Drejtori Joel Souza, 48 vjeç, u transportua në Qendrën Mjekësore Rajonale Christus St. Vincent me ambulancë, por nuk dihet ende asgjë për gjendjen e tij shëndetësore.
“Sipas hetuesve duket se skena që po filmohej përfshinte përdorimin e një arme zjarri të shkarkuar”,- thuhet në deklaratë. “Detektivët po hetojnë se në ç’mënyrë u qëllua dhe çfarë lloj plumbi u përdor”.
Incidenti ndodhi rreth orës 1:50 pasdite me kohën lokale, thanë hetuesit.
“Rust” është një film perëndimor i viteve 1880 ku luajnë Baldwin, Travis Fimmel dhe Jensen Ackles. Zyra e Sherifit tha se hetimi “mbetet i hapur dhe aktiv” dhe nuk është ngritur asnjë akuzë deri më tani.
