Stilisti i njohur, Giorgio Armani, ka njoftuar se do të anulojë shfaqjet e tij live të modës këtë muaj. Bëhet fjalë për “Armani Privé” në “Haute Couture” në Paris, këtë janar dhe për koleksionin e tij të veshjeve për meshkuj të vjeshtës 2022 dhe koleksionin e tij “Emporio Armani të vjeshtës 2022” që pritet në “Javën e Modës” për meshkuj në Milano javën e ardhshme.
Në shkurt 2020, Armani ishte stilisti i parë në modë që mbylli dyert e tij për një audiencë të drejtpërdrejtë edhe pse shtrirja e valës së parë të COVID-19 nuk ishte ende e dukshme.
Në një deklaratë të kompanisë Armani thuhej: “Ky vendim u mor me keqardhje të madhe dhe pas reflektimit të kujdesshëm në dritën e përkeqësimit të situatës epidemiologjike. Siç është shprehur dizenjatori në shumë raste, shfaqjet janë raste vendimtare dhe të pazëvendësueshme, por shëndeti dhe siguria si e punonjësve ashtu edhe e publikut duhet të kenë sërish prioritet.”
Për momentin në Milano dhe aq më tepër në Paris, varianti “Omicron” po detyron një numër të madh njerëzish të izolohen. Për momentin, ende duket nëse edicionet e ardhshme të “Pitti Uomo” në Firence, veshjet për meshkuj në Milano dhe Paris, dhe më pas “Couture” në fund të muajit do të vazhdojnë kryesisht.
“Ne e kuptojmë thellësisht vendimin e zotit Armani për të anuluar shfaqjen e tij të modës”- tha presidenti i “Camera Della Moda” të Italisë, Carlo Capasa.
“Është e mundur që në ditët në vijim mund të ketë disa ndryshime në kalendarin e Javës së Modës… gjithmonë me vëmendjen më të madhe ndaj situatës komplekse shëndetësore në të cilën ndodhet Italia, disa ngjarje të cilat deri më sot nuk mund të zhvillohen. siç është imagjinuar fillimisht, mund të duhet të anulohet ose shtyhet.”- përfundoi ai.
