Këngëtarja me famë botërore, Adele, tërhoqi vëmendjen e të gjithëve në fillim të këtij viti, për shkak të ndryshimit drastik nga rënia në peshë.
E veshur me një fustan të zi, Adele i la të gjithë pa fjalë me fotot nga 32-vjetori i saj i lindjes.
Por që prej asaj kohe, këngëtarja nuk kishte postuar më asnjë foto, sipas “Mirror”.
Por, tashmë që ka humbur plot 44 kilogramë, 32-vjeçarja ka postuar një foto në Instagram, ku duket nga koka tek këmbët.
Lehtësisht mund të vihet re trupi i tonifikuar dhe ndryshimi që ajo ka pësuar në fytyrë që nga fillimi i programit për të humbur peshë. Edhe pse Covid-19 ka anulluar karnavalet, Adele shfaqet me një look të veçantë si në Jamaica.
Duke treguar belin e hollë, Adele shkruajti krah fotos: “Gëzuar atë që do të ishte Notting Hill Carnival, Londra ime e dashur”.
Më parë është raportuar se Adele ka arritur të humbasë peshë për shkak të një diete me 1,000 kalori në ditë dhe për shkak të ushtrimeve fizike.
Kjo është hera e parë që këngëtarja guxon të “zhvishet” aq shumë, sa të gjitha format trupore janë të dukshme.
Mes komenteve të shumta, ndjekësit vunë në dukje edhe ngjashmërinë e Adele me këngëtaren Katy Perry.
