Ditë të ngarkuara për Donald Veshajn. Pasi shijoi disa ditë pushimesh me familjen dhe partneren e tij, tashmë i është rikthyer punës.
Krahas angazhimit që ai dhe Bora kanë me filmin e tyre, që sapo ka nisur xhirimet, aktori ka edhe një biznes që i merr kohën më të madhe.
Mes gjithë angazhimeve, ai ka gjetur kohë edhe për t’u përqëndruar tek studion e arkitekturës që ka në zonën e Bllokut paparaci ynë ka mundur të fotografojë në një ditë të zakonshme, ku duket teksa sapo ka dalë nga ambientet e zyrës së tij. I veshur me bardhë e zi, edhe këtë herë, Donaldi nuk e ka hequr kapelen dhe syzet e diellit.
Ndërkohë pak ditë më parë, aktori festoi ditëlindjen e tij të 28-të. Bora Zemani është kujdesur ta urojë edhe publikisht partnerin me një urim të shkurtër, por shumë të ndjerë, duke thënë shumë, vetëm me një fjali.
“Unë e di që ti je gjithmonë bashkë dhe asnjëherë vetëm me Romeo Veshaj, por ti e di që do jesh gjithmonë bashkë dhe asnjëherë vetëm, me mua! Gëzuar ditëlindjen”, ka shkruar moderatorja.
Bora ka ndarë edhe disa foto të të dyve bashkë dhe në “Story” ka ndarë një video të Donaldit dhe Romeos, duke uruar njëri-tjetrin me një përqafim në orën 00:00.
