Pas ndarjes së bujshme nga Britney Spears, Sam Asghari është fotografuar për herë të parë në publik.
Modeli i cili i dha fund ndarjes pas 6 vitesh nga artistja, u pa i vetëm duke shëtitur qenin e tij.
Detaji që u vu re ishte se aktori e kishte hequr nga dora unazën e tij të martesës tashmë.
Ndryshe nga Sam, Britney i habiti të gjithë fansat e saj në Instagram teksa publikoi një video ku shfaqej me një grup meshkujsh, ku njëri prej tyre po i lëpinte këmbën për një moment.
Kujtojmë se Sam u shpreh se ka marrë vendimin për tu ndarë për “dallime të papajtueshme”.
“Pas 6 vitesh dashuri dhe përkushtim ndaj njëri-tjetrit, unë dhe gruaja ime kemi vendosur t’i japim fund rrugëtimit tonë së bashku. Ne do të mbajmë dashurinë dhe respektin që kemi për njëri-tjetrin dhe i uroj asaj gjithmonë më të mirën.”, shkroi ai.
Çifti u fejua në shtator 2021 dhe u martuan në një ceremoni të vogël, por të mbushur me yje në qershor 2022.
Por çifti u ndanë pas akuzave të balerinit për tradhti dhe dhunë.
Sipas padisë për divorc të paraqitur nga Asghari në Gjykatën e Lartë të Los Anxhelosit, ai kërkon që mbështetja bashkëshortore dhe tarifat e avokatëve të paguhen nga Spears.
Modeli u takua me këngëtaren ndërsa ajo po xhironte videoklipin e këngës së saj Slumber Party në 2016.
Çifti u martuan në një dasmë private dhe luksoze në shtëpinë e superyllit në Thousand Oaks, Kaliforni ku ishin të ftuar shumë njerëz të famshëm duke përfshirë Paris Hilton, Madonna dhe Dreë Barrymore.
