Reperi Gramoz Aliu, i njohur si Mozzik, i është kundërpërgjigjur deklaratave t ëish-partneres së tij Loredana Zefit.
Menjëherë pasi u publikua intervista e reperes ku deklaronte se nuk ka asnjë kontakt me Mozzik dhe se me të ishte e vështië, ky i fundit bër një postim thumbues në Instastory.
Krahas një fotoje të tij duke buzëqeshur, Mozzik shkruan: “Kush shkel mbi thërrimet e bukës, e vret buka gjithmonë”, shoqëruar me një emoji.
Loredana Zefi foli ditën e djeshme si rrallë herë në një intervistë për ish-partnerin e saj Mozzik. Më herët ajo bëri të ditur përmes një Instastory se nuk ka më asnjë kontakt me ish-partnerin e saj. Gjatë një interviste të dhënë për mediat e huaja, reperja u pyet për detaje nga raporti i saj aktual me Mozzik.
Reperja tregoi se ajo nuk ka asnjë konakt më me Mozzik, por sigurisht ai ruan kontaktet me vajzën e tyre Hanën.
Pjesë nga intervista:
Pyetje: Një nga pyetjet në Instagram ishte për marrëdhënien tënde me Mozzik, a kë kontakte me të?
Loredana: Jo aq shumë, të gjithë mendojnë se ai nuk ka kontakt me vajzën tonë por në fakt ai ka. Kjo kalon nga motra ime sepse ajo kujdeset për vogëlushen time kur nuk jam aty. Por ne të dy nuk kemi asnjë kontakt më.
Pyetje: Sa e vështirë është të deklarosh statusin e marrëdhënies kaq publikisht?
Loredana: Unë jam një personazh i lehtë dhe nuk e kam pasur problem që ai të më telefonojë. Gjithmonë i pranoja telefonata dhe arrija të plotësoja gjithçka. Por me të ishte pak e vështirë.
Loredana dhe Mozzik u bënë prindër për herë të parë në dhjetor të vitit 2018, duke mirëpritur në jetë vajzën e tyre. Megjithëse fillimisht e fshehën shtatzëninë, ata s’mund të fshihnin më gjatë vogëlushen të cilën e pagëzuan me emrin Hana.
Një vit më pas ata i dhanë fund lidhjes së tyre. Një ndarje jo shumë miqësore me deklarata e akuza të forta. Megjithatë çifti u bashkua në 2020 duke sjellë një album të përbashkët. Dhe u ndanë sërish në verën e 2021 duke u shprehur se ‘janë dy kokëfortë që nuk bëjnë dot as me njëri-tjetrin dhe as pa njëri-tjetrin.’
Ndonëse janë përfolur për një ribashkim, Loredana tha para disa ditësh se nuk ka komunikim me Mozzik dhe të dy kanë deklaruar se kanë nisur njohje të reja.
