Jennifer Lopez dhe Ben Affleck u fotografuan në një tjetër dalje së bashku nëpër rrugët e LA.
Çifti u fotografuan teksa hynin në një dyqan makinash të Rolls-Royce në Beverly Hills. Në fotot e kapura nga paparazzi dyshja dukeshin shumë të dashuruar duke ecur dorë për dore dhe duke mbështjellë krahët rreth njëri-tjetrit ndërsa shikonin makinat.
Këngëtarja e “Waiting for Tonight” kishte veshur një nga dukjet e saj të preferuara casual, duke kombinuar një bluzë të bardhë, me xhinse të gjera dhe atlete të bardha. Ajo i mbante flokët të kapura bisht, dhe aksesorët e saj përfshinin syzet e diellit ngjyrë portokalli, vathë të mëdhenj dhe një çantë Dior.
Së fundmi Affleck ka punuar shumë për të drejtuar filmin e tij të ardhshëm ‘Nike’ , dhe këngëtarja “Jenny from the Block” është gjendur pranë tij për ta mbështetur.
