Viti 2019 nuk ka qenë aspak pozitiv në aspektin personal për Daniele Ruganin, pasi mbrojtësi i Juventusit, përveçse ka qëndruar në stol në pjesën më të madhe të sezonit, tashmë konsiderohet edhe si zgjedhje e fundit në hierarkinë e mbrojtësve në skuadrën e Mauricio Sarrit.
Gjithsesi, 25-vjeçari këtë vit i shtoi koleksionit të tij edhe dy medalje të tjera të arta, duke fituar Superkupën (e zhvilluar në janar ndaj Milanit) si dhe titullin kampion në Serinë A.
Megjithatë, mbyllja e vitit nuk ishte nga më të mirat, pasi bardhezinjtë u thyen nga Lacio në finalen e Superkupës, duke mos mundur t’u dhurojnë tifozëve të tyre një tjetër gëzim.
Tashmë futbollisti po relaksohet në Maldive dhe duket se e ka lënë pas krahëve disfatën ndaj bardhekaltërve, teksa shfaqet në krah të partneres së tij seksi, Mikela Persiko.
/PANORAMASPORT.AL/
© Panoramaplus.al