Jeff Bezos është bërë temë diskutimi së fundmi, pasi dhuroi 500,000 dollarë për bamirësi. Themeluesi i “Amazon” dhe e dashura e tij, Lauren Sanchez, shkuan në “Pacific Design Center” (qendër për nevojat e komunitetit të dizajnit, argëtimit, artit etj.), për një event bamirësie.
Por shuma që ai vendosi të dhuronte nuk u mirëprit nga të pranishmit, sipas “Page Six”.
“Të gjithë prisnin që ai të dhuronte diçka. Por nuk e bëri. Pastaj dikush dhuroi një milion dollarë. Dhe më pas, pak më vonë, Bezos dhuroi 500,000 dollarë.”,- tha një burim i brendshëm për njeriun e dytë më të pasur në botë.
“Nëse dikush tjetër mund të dhurojë një milion, Jeff Bezos mund të dhurojë më shumë se një milion,”- thanë të pranishmit.
Mund t’ju duket një reagim i pahijshëm, duke pasur parasysh se ai humbi gjysmë milioni, por Bezos fiton rreth 142,667 dollarë në minutë.
Në event u nderua Vanessa Bryant me çmimin “Giving Tree” për mbështetjen e saj të gjatë në bamirësi. Ajo nderoi bashkëshortin e saj të ndjerë, Kobe, i cili gjithashtu ka qenë një dashamirës i organizatës.
