Ajo është padyshim një nga këngëtaret më të dashura për publikun shqiptar dhe më të ndjekurat në rrjetet sociale. Është fjala për Greta Koçin, e cila së fundmi ka vendosur që të bëjë një bashkëbisedim me ndjekësit e saj në “Instagram”.
Pyetjet kanë qenë të ndryshme, duke nisur që nga jeta e saj profesionale e deri tek ajo private. Por një fans duket se ka dëshirë që të takojë Gretën pasi i thotë: “Si ja bëhet me dal një darkë me ty?”.
Këngëtarja i ka dhënë përgjigjen epike ndjekësit të saj, duke i thënë se mund ta shohë në televizion apo në “Youtube”.
“Duke u ulur ju në tavolinën e restorantit dhe duke pasur përball nga ekrani i TV ose telefonit tuaj me një klikim në kanalin youtube. Zgjidhje tjetër s’më vjen në mendja”, u përgjigj Greta.
Ndërkohë këngëtarja ka zbuluar gjithashtu se së shpejti do vijë me një këngë të re që siç thotë ajo, pritet të na thyejë zemrat.
