Ermal Mamaqi dhe Iva Tiço “përplasen” me komente në rrjete sociale

Ermal Mamaqi prezantoi dje librin e tij të parë me titull “Në garë me veten”.

Pas eksperiencës së tij të gjatë me trajnimet mbi suksesin, Ermali këtë herë vjen me një libër motivues që do të nxisë lexuesit të bëhen versioni më i mirë i vetes duke mësuar hapat sesi të arrijnë suksesin dhe qëllimet.

Ermali tregoi se në libër ka përmbledhur të gjithë eksperiencën e tij, përvojën në jetë, biznes dhe marrëdhënie, çdo sfidë, mendim e mësim që ka marrë gjatë dhjetra viteve.

Përpos komenteve të shumta që e urojnë Ermalin, në sy ka rënë komenti me ironi i gazetares Iva Tiço, të cilës Ermali edhe i ka kthyer përgjigje.

Raporti mes dy aktorëve të humorit Ermal Mamaqi dhe Eglein Laknori është rikthyer sërish në qendër të mediave rozë.

Kjo pasi në një intervistë për emisionin “Why Not” ky i fundit është shprehur se Ermal Mamaqi është prodhim sere. “Nëse Beni ecën vetë, Ermali të ka kopjuar ty apo ecën vetë?”, është pyetur ai, teksa u përgjigj duke thënë se “Ermali është prodhim sere”.

Ata u përfolën për një krisje të miqësisë edhe disa vite më parë, kur Laknori u shpreh asokohe se Ermali i vidhte batutat dhe i përdorte ato për të tërhequr audiencë në emision. Megjithatë po ai vetë i mohoi zërat duke thënë se Ermalin e ka mik dhe gjithçka ka qenë në kuadrin e një shakaje mes tyre.