Elton John u tha miliona fansave të tij të shtunën mbrëma se ata do të mbeten në “mendjen, zemrën dhe shpirtin” e tij, duke përfunduar turneun e tij të lamtumirës maratonë në Stokholm me një nga hitet e tij më të mëdha –“ Goodbye Yellow Brick Road”.
Këngëtari 76-vjeçar ka fituar pesë çmime Grammy në një karrierë spektakolare që përfshin 50 vjet dhe afro 4600 performanca në mbarë botën.
“Ka qenë kiënaqësia ime të luaja për ju djema, dhe ju keni qenë absolutisht të mrekullueshëm,” i tha ai audiencës në Tele2 Arena të Suedisë.
Elton John i bëri një nderim emocional grupit dhe ekipit të tij aktual, disa prej të cilëve kanë qenë në turne me të për shumë vite.
“Ata janë vërtet të pabesueshëm, ata janë më të mirët, po ju them, më të mirët”, tha ylli.
Ai filloi shfaqjen e tij me Bennie and the Jets dhe vazhdoi të performonte shumë hite të tjera, duke përfshirë Philadelphia Freedom, Tiny Dancer, Rocket Man dhe Candle in the Wind.
Turneu i tij Farewell Yellow Brick Road filloi në Amerikën e Veriut në vitin 2018, dhe kjo ishte nata e tij e dytë duke performuar në Stokholm.
Eltoni ka reflektuar për jetën e tij në fund të kësaj finale të madhe, duke i treguar të pranishmëve për “52 vitet e tij të gëzimit të pastër duke luajtur muzikë”.
Ai konfirmoi se “nuk do të bënte më kurrë turne”, por ai mund të bëjë një “gjë të vetme” në të ardhmen.
“Dua të vlerësoj familjen time, djemtë e mi, burrin tim, gjithçka. Unë e kam fituar këtë,” tha ai.
Ai ia kushtoi këngën e tij Don’t Let The Sun Go Down On Me grupit, ekipit dhe familjes së tij. Koncerti zgjati më shumë se dy orë.
© Panoramaplus.al