Këngëtarja Adelina Tahiri ka krijuar një marrëdhënie të konsoliduar me bashkëshortin e saj, Serjozha Markov, me të cilin ka katër vite e martuar. Gjatë një bisede virtuale me ndjekësit në Instagram, Adelina zbuloi se kanë kaluar 9 vite që nga momenti kur vendosi të lidhej me avokatin.
Çifti janë bekuar me një djalë, të cilin e kanë pagëzuar me emrin Joni, por fansat e Tahirit donin të dinin nëse kanë në plan të bëjnë një motër apo vëlla për të birin.
“Planifikoj, sigurisht!”, u përgjigj artistja.
Një ndër pyetjet që iu bë tahirit ishte: “Pse jeton në Vjenë dhe pse pa burrin?”. Adelina iu përgjigj: “Pse jetoj! Sepse kemi një pjesë të jetës këtu në Vjenë, një pjesë në Shkup! Sikur dhe shumë njerëz që jetojnë. Pa burrin, sepse ai ëhstë shumë i obliguar me punë këtë periudhë dhe është e pamundur të jetë me ne”.
Përveç komenteve pozitive, sigurisht nuk munguan as ato negativet. Dikush i shkroi Adelinës: “Shumë plak e ke marrë plakun oj virane, mos e qit foto”.
Këngëtarja nuk e la pa një përgjigje ndjekësen, së cilës i shkroi: “Nuk e kuptoj tipin e këtyre njerëzve! Realisht nuk meritojnë vëmendje. Po duhet ta them: Po të ishte martesa sikur zgjedhjet apo partitë, do ju kuptoja plotësisht! Nuk e martova për t’i pëlqyer dikujt burri im! U martova se e deshta! Shumë e thjesht. Pse juve duhet t’ju pëlqejë burri im, s’e kuptoj!”.
Adelina zbuloi gjithashtu se ka marrë një ftesë për t’u bërë pjesë e “Big Brother VIP”, por e ka refuzuar për shkak të të birit.
“Realisht, kam pas propozim! Por arsyeja pse nuk kam pranuar, është sepse për psikologjinë e djalit do ishte shumë e shëndosh mos të isha afër tij për tre muaj, kur atij më së shumti i nevojitem! Të isha në një situatë tjetër, ndoshta dhe po. Dhe pa burrin s’do bëja dot. Ka tre javë që s’e kam pa dhe po e vuaj! E lëre tre muaj!”.
