Kledi Hysa ka konfirmuar përfundimin e marrëdhënies 6-vjeçare me modelen austriake, Khaoula Selmi.
Modeli tregoi se u ftohën gjërat nga ana e tij dhe pasi e konsultoi me ish-partneren vendosën të ndaheshin. Ai u shpreh se ndoshta nuk ishte momenti i duhur për tu ndarë, por “kështu e ndjeu”.
“U ftohën gjërat nga ana ime dhe kur isha në Austri i thashë që kjo lidhje nuk ka drejtim, kështu të dy bashkë i dhamë fund. Ishte pak e dhimbshme sepse janë 6 vite, por ka 2 vite që nuk kisha mundësi të bëja hapin që duhej, të krijoja një familje dhe të shkoja drejt martesës. Dhe nëse nuk e doja këtë me një person që kisha 6 vite, atëherë kur do ndodhte. Është ndarja e dytë, sepse kam pasur dy lidhje të gjata. E kam të vështirë dhe nuk ndodhi diçka konkrete, momenti nuk ishte i duhur por kështu e ndjeva dhe kështu vendosa”, u shpreh ai në “RTV Ora”.
Ish-banori i Big Brother mohoi thashethemet se ishte ai “shkesi” i lidhjes së Fifit me kushëririn e tij, Adis Patushi.
Ai tregoi se nuk e dinte që kishin krijuar lidhje dhe u befasua kur e zbuloi, por shtoi se çifti është shumë i lumtur bashkë dhe s’ka asgjë më të bukur se sa kjo.
“Unë me Adisin jam rritur, jemi si vëllezër binjakë. I kam prezantuar jo vetëm Fifin, por gjitha banorët që kanë dalë nga BBV. Ç’farë ka ndodhur midis tyre s’jam pjesë e lidhjes. S’më ka pyetur fare për asgjë. Nuk e dija që kishin kontakt, vetëm kur i kam parë ata të dy ok. S’dija gjë fare, nuk e prisja. Mua më pëlqen komunikacioni mes tyre, Adisin e shikoj shumë të lumtur dhe Fifi gjithashtu, s’ka gjë më të bukur”, u shpreh modeli.
Pyetjes a do lidhej me një eskortë, iu përgjigj: “S’ka shans”.
