Këngëtarja e dashur për publikun shqiptar, Anxhela Peristeri, së fundmi është shfaqur në super formë. Falë një diete të rreptë ushqimore pa brumëra dhe pa ëmbëlsira, si dhe me ndihmën e aktivitetit fizik, ajo ka arritur që të humbë plot 16 kilogramë.
Në disa foto të publikuara së fundmi në profilin e saj në “Instagram”, Anxhela është akuzuar nga ndjekësit se përdor “photoshop”-in.
Një gjë e tillë duket se nuk i ka pëlqyer aspak këngëtares, e cila një ditë më parë publikoi një video me rroba banje, me mbishkrimin: “Për të gjithë admiruesit e photoshop-it”.
Anxhela shfaqet sërish në formë të shkëlqyer fizike dhe duke folur edhe njëherë se të gjitha aludimet janë të pavërteta.
