Romeo Veshaj dhe Jonida Maliqi janë kthyer një ndër çiftet më të dashura dhe të komentuara të showbizz-it shqiptar.
Pasi konfirmuan lidhjen e tyre, këngëtarja dhe aktori postojnë shpesh video e foto me njëri-tjetrin, ku nuk mungojnë dedikimet romantike.
“Kur ti buzëqesh, buzëqesh edhe unë … Kështu funksionon”- shkroi Romeo Veshaj, krahas disa fotove me Jonida Maliqin, ku teksa e shikonte sytë “i bënin” zemra.
“Ne qeshim e qajmë bashkë o zemër,”– i komentoi këngëtarja, duke i shprehur dashurinë.
Megjithatë një prej ndjekësve të Romeo Veshajt ka vënë në dyshim dashurinë e tij për këngëtaren.
“Ndoshta ndjenjat janë ato që thua po fotografia duket shumë fallco për ndjenjat që thua, mendimi im…”– i shkroi ajo.
Komenti i saj nuk kaloi pa u vënë re nga aktori i humorit, i cili nuk ia “përtoi”.
“Mos mendo kaq shumë se do rrish pa gjumë ??♂️”- i shkroi Romeo Veshaj.
/Panoramaplus.al
