Mes thashethemeve se mes Kim Kardashian dhe Pete Davidson po lind një romancë e re, një video e Kanye West, ish-bashkëshorti i yllit të “Keeping Up With the Kardashians”, po qarkullon në rrjet.
Sipas “Page Six”, reperi ka deklaruar se ende dëshiron të jetë me ish-partneren e tij, pavarësisht se procedurat e divorcit vazhdojnë ende. Në një intervistë të re, e cila dyshohet se është regjistruar një muaj më parë, gjatë kohës që stili i flokëve të Kanye-t nuk kishte ndryshuar ende, reperi kritikoi “Saturday Night Live” se ka portretizuar ndarjen e tyre dhe pranoi se dëshiron të pajtohet me Kim.
“’SNL’ bëri që gruaja ime të thotë ‘U divorcova prej tij’ në televizion, sepse thjesht donin të merrnin vëmendje. Kurrë nuk i kam parë letrat e divorcit. Madje ne nuk jemi të divorcuar. Kjo nuk është shaka. Fëmijët e mi duan që prindërit e tyre të jenë bashkë. Dua që ne të jemi bashkë”,- deklaroi Kanye.
44-vjeçari gjithashtu fajësoi median dhe skuadrën e Kim për “promovim” të idesë së divorcit. Duke qenë se intervista ishte regjistruar më parë, West nuk mund të komentonte për romancën e përfolur të Kim me Davidson.
