Drini Zeqo, folësi i lajmeve një “Tv Klan” si dhe pjesë e stafit të gazetarëve të emisionit “Opinion” të Blendi Fevziut, ka rënë pre e aparatit të paparazzit, teksa pak kohë më parë, po bënte pushimet me një vajzë.
Me aq sa njohim ne nga bota e personazheve, vajza nuk dukej një fytyrë e njohur, por duhet thënë se ishte mjaft e hijshme. Ndërkohë, edhe Drini Zeqo është një djalë mjaft tërheqës dhe fakti që është vazhdimisht në ekran, ka bërë që të ketë një ushtri me vajza që e simpatizojnë.
Por, mesa duket, gazetari i njohur e ka bërë një zgjedhje, duke kaluar fundjavën në Dhërmi me këtë vajzë që po shihni në foto. Dy të rinjtë dukej që tregonin mjaft kujdes ndaj njëri-tjetrit, ku vajza e lyente Drinin me krem plazhi, ndërsa Drini e shoqëronte vajzën me sy në çdo lëvizje që bënte.
Në fakt, linjat e vajzës janë mjaft elegante dhe të bukura. Duhet thënë se Drini është përfolur herë pas here për lidhje të mundshme me vajza të ndryshme, por vetë ai nuk ka pohuar ndonjë nga këto lidhje, duke thënë se bëhet fjalë thjesht për mikesha të mira. Të shohim se çfarë do të thotë për këtë gocën e fotos.
PANORAMA PLUS
NDIQE LIVE "PANORAMA TV" © Panoramaplus.al