Nuk ka më asnjë shpresë se aktorja e famshme Naya Rivera është gjallë.
Policia gjeti një trup në Liqenin Piru, që është identifikuar si 33-vjeçarja.
Aktorja u zhduk të mërkurën pasi doli të bënte xhiro me varkë së bashku me djalin e saj 4-vjeçar.
Vogëlushi u gjet nga një anije tjetër duke fjetur gjumë në varkë, ndërsa nëna e tij u shpall e zhdukur.
Shpresat ishin të pakta që aktorja të mund të ishte gjallë. Madje u tha se trupi i saj mund të mos gjendej kurrë.
Ekipi i kërkimit gjetën trupin të hënën. Në një konferencë për shtyp, sherifi Bill Ayub tha se janë të sigurt që trupi është i Naya Rivera.
Ai shtoi se nuk ka asnjë shenjë që aktorja të mund të ketë vrarë veten.
Djali i saj tha se u futën në liqen të bënin not, por nëna e tij nuk u kthye më kurrë.
/Panoramaplus.al
© Panoramaplus.al
