Konkurrenti i “Për’puthen”, Argjend Rraci, vendosi të largohej nga programi i dashurisë dje. Ai zbuloi se ka nisur njohjen me një vajzë jashtë dhe nuk dëshiron të qëndrojë për të realizuar takime të tjera romantike.
“Dua të them se kam shijuar çdo moment edhe të mira edhe të këqija, momente të bukura e ndoshta më pak të bukura. Shumë faleminderit të gjithëve, nuk kam dashur kurrë të shpik ndonjë gjë, vërtetë. Thjesht dua t’ju falënderoj juve, Olsën, produksionin, për respektin që më keni dhënë dhe ju uroj çdo të mbarë”,- tha ai para se të linte përfundimisht studion.
Argjendi ishte djali i parë që u prezantua për këtë edicion të tretë të “Për’puthen”. Ai realizoi takime me disa nga vajzat konkurrente, por më shumë me Ritvanën.
Para se të largohej, Argjendi deklaroi se Ritvana ka qenë në shtëpinë e tij, por ajo e mohoi duke reaguar e irrituar. Ritvana tha se i ka bisedat në WhatsApp me të dhe i tregoi para kamerave, por sërish Rraci zbuloi se kanë komunikuar bashkë në Snapchat, sepse bisedat aty fshihen. Meqënëse Ritvana ruhet shumë, kjo ishte mënyra e vetme për të komunikuar me të.
