Brad Pitt dyshohet se i shkaktoi dëme në vlerë prej 25,000 dollarësh avionit ku po udhëtonte gjatë debatit të tij me Angelina Jolie në vitin 2016.
Aktorja, pretendoi në një raport të publikuar së fundmi të FBI-së se ajo ishte duke pushuar me fëmijët e saj në aeroplan, kur ata i thanë asaj të “shikonte” Pitt i cili po derdhte një gotë verë të kuqe.
Ndërsa vendndodhja e alkoolit të derdhur është publikuar në dokumentet e marra nga Page Six, Jolie më vonë pohoi se vera “kaloi në të gjithë karrigen” dhe nuk ishte pastruar “për pjesën tjetër të fluturimit”.
Ylli i “Salt” pretendoi se ajo “më vonë” mësoi se “kjo shkaktoi rreth 25,000 dollarë dëme”. Pas incidentit me verën, Pitt dyshohet se “qeshi dhe u largua për të marrë një pije tjetër”, sipas raportit.
Në një moment tjetër gjatë fluturimit nga Nice, në Los Anxhelos, ylli i “Fury” dyshohet se derdhi birrë mbi Jolie “dhe batanijen nën të cilën ajo po flinte”. Në regjistrimet, të cilat u bënë publike të martën, ylli i “Maleficent” akuzoi ish-bashkëshortin e saj për dhunë verbale, ku supozohet se Pitt i tha asaj se “po shkatërronte familjen [e tyre]”.
Ai gjithashtu dyshohet se krahasoi Maddox, Pax, Zahara, Shiloh, ose binjakët Knox dhe Vivienne, me një “fëmijë kolumbine (fëmijë problematikë)” që mund të “vrasin dikë.”
Pitt dyshohet se gjithashtu goditi disa herë tavanin e avionit, shtyu Jolie dhe vrapoi “drejt [njërit prej fëmijëve të tyre] sikur do të sulmonte”, sipas raportit.
Jolie, e cila bëri kërkesë për divorc nga ylli i “Fight Club” disa ditë më vonë, pretendoi se në përpjekjet e saj për ta ndaluar atë, ajo plagosi bërrylin dhe shpinën. Ajo ndau foto të lëndimeve të supozuara të saj në raport.
Ylli i “Tomb Raider” paditi në mënyrë anonime FBI- në në prill për hetimin e saj mbi incidentin. Ndërsa shumë dyshuan në atë kohë se ajo ishte paditëse, identiteti i Jolie nuk u konfirmua deri në fillim të kësaj jave.
Pitt nuk ka komentuar ende mbi lajmet e fundit në lidhje me përplasjen e supozuar, por ai foli me GQ në maj 2017 për vendimin e tij për të ndaluar pirjen e alkoolit.
“Po pija shumë. Thjesht është bërë një problem” , i tha revistës në atë kohë ylli i “Once Upon a Time in Hollyëood”, i cili u deklarua ligjërisht i divorcuar nga Jolie në prill 2019.
“Jam shumë i lumtur që ka kaluar një gjysmë viti tani, gjë që është e hidhur, por i kam përsëri ndjenjat e mia në majë të gishtave”, vazhdoi ai, duke vënë në dukje se dikur ishte në gjendje të “pijë një rus nën tavolinë me vodka e vet.”
Në raportin e FBI-së, Jolie pretendoi se ajo kishte parë më parë Pitt “të pinte një shishe të tërë vodka dhe ende të ishte i vetëdijshëm”. Ajo gjithashtu pretendoi se Pitt po “dehej” në udhëtimin e tyre me avion, por ishte “ende shumë i vetëdijshëm për atë çfarë e rrethonte”.
Jolie pretendoi se “Aktori, me të cilin ajo u martua në gusht 2014, ishte “i artikuluar, nuk rrëmbehej në mënyrë jokoherente dhe dukej se po fliste me qëllim”.
FBI nuk ngriti asnjëherë akuza penale kundër Pitt për incidentin. Një burim i afërt me aktorin i tha së fundmi Page Six se nuk kishte “asgjë të re” në raportin e pavulosur.
© Panoramaplus.al