Moderatorja, Arjola Shehu, njoftoi në dhjetor të vitit të kaluar se do të merrte pjesë në projektin “Tipicita”, ku do të prezantonte në krah të gazetarit Marco Ardemagni.
E teksa pritej që këtë mars Arjola të ishte pjesë e këtij projekti, duket se tashmë gjërat kanë ndryshuar. E lind pyetja: “Çfarë ndodhi me të?”.
Mbrëmjen e djeshme, moderatorja ishte e ftuar në emisionin “Soiree”, ku Jonida Shehu e vë në siklet kur e pyet: “Me planet në Itali çfarë u bë?”.
“Fillimisht ishte një projekt që kishte të bënte me Ambasadën italiane. Më pas disa sipërmarrës italianë që gjendeshin në eventin që po organizonim. U tërhoqëm, u rekrutuam për të prezantuar një tjetër produksion, i cili ishte italian dhe nuk kishte shumë…”, u shpreh ajo duke e lënë përgjysmë fjalinë.
Arjola vendosi që të mos e tregonte arsyen, ndërsa më herët është shprehur se nuk i mungon televizioni dhe se nuk ka dëshirë të jetë çdo ditë në ekran.
