Tuna Sejdi dhe Patris Berisha kanë qenë kryefjala e mediave prej disa muajsh, për shkak të detajeve që ngritën dyshimet se dyshja janë ndarë.
Tuna ka nisur pushimet dhe me këtë rast ka publikuar disa imazhe në llogarinë e saj në Instagram.
Në disa prej tyre ajo shihet duke shijuar rrezet e diellit e në disa të tjera shihet nën shoqërinë e dy djemve të saj, Tionit dhe Zenit.
Mirëpo, në një video të publikuar në Instastory, këngëtarja kosovare ka zbuluar se është edhe një person tjetër që e shoqëron në këtë udhëtim.
Bëhet fjalë pikërisht për Patris Berishën, i cili në video shihet duke qëndruar përballë artistes teksa ajo e filmon me telefon.
Nuk dihet nëse Tuna i ka dhënë një shans të dytë bateristit, apo bashkimi i tyre ka të bëjë vetëm me fëmijët.
Tuna e mbajti sekret shtatzëninë e dytë dhe kjo ishte arsyeja pse të gjithë u habitën kur publikoi në Instagram foto nga salla e lindjes së Zen.
Më pas u mësua se babai i djalit ishte Patrisi, i cili publikoi një nga fotot në Instastory-n e tij.
