Marina Vjollca është shumë e rezervuar për jetën private, pavarësisht se në rrjetet sociale të saj dhe të bashkëshortit, Getoar Selimit, gjenden disa foto apo video ku shihen në kahët e njëri-tjetrit.
Së fundmi, moderatorja ka folur për jetën private në një intervistë për revistën “Who”.
Të gjithë janë kuriozë të dinë se si po shkon martesa e biondes seksi me reperin e njohur kosovar, Getoar Selimi.
Në lidhje me këtë, Marina tha: “Për marshallah. E thashë popullorçe fare. Çdo ditë e më tepër që kalon, aq edhe më shumë e duam dhe bëjmë për njëri-tjetrin.
Luftojmë dhe jetojmë për ta ndërtuar më shumë harmoni martesën tonë, familjen tonë. Monotone martesa mund të bëhet që ditën e parë, nëse nuk kemi qëllimet dhe idetë e njëjta për njëri-tjetrin. Shijojmë çdo ditë dashurinë e gjysmave tona për të forcuar ‘të qenit një’”.
Brenda dyerve të shtëpisë, Marina tha se jeta e saj është si e çdo shqiptari, “me dashuri, grindje, me muzikë, gatim, e çdo gjë që e bën jetën tonë”.
Por, a di të gatuajë Marina?
“Unë edhe Geti jemi natyra që nuk na pëlqen shumë të dalim. E darkat në shtëpi me familjarë ose miq janë shumë të shpeshta. Kur kemi edhe Chef-in e kuzhinës, misioni është i kryer me sukses. Geti gatuan në mënyrë të përkryer, unë më shumë luaj rolin e asistentes (qesh)”,- ishte përgjigja e Marinës.
