Mbrëmjen e djeshme, moderatorja seksi Luana Vjollca ka festuar ditëlindjen buzë detit me miq e të afërm.
Për ditëlindjen e saj, Luana kishte vendosur që të vinte me një surprizë për fansat e saj të shumtë, pasi publikoi këngën më të re me titull “Ti amo”. Videoklipi është mjaft interesant i xhiruar pa asnjë lloj ndërhyrjeje nga fillimi deri në fund.
Ndërkohë për festën e madhe, ajo ishte veshur si një princeshë me një kurorë në kokë ndërsa në sy binte fustani i shkurtër plot shkëlqim. E teksa të gjithë sytë ishin tek Luana, vëmendjen e tërhoqën edhe të ftuarit VIP në festën për ditëlindje.
Nga postimet e shumta në rrjetet sociale, vihet re se personi që i qëndronte pas gjithë kohës ishte motra e saj Marina, e cila ishte veshur me një fustan ngjyrë jeshile neon.
Ndërkohë mes të ftuarve ishte partneri i Luanës, Krenari, motrat e saj, Eraldo Rexho, kushërira Evi Reçi, Klodiana Shala, si dhe mikesha Fifi që ndezi festën me këngët e saj.
Argëtimi në lokalin buzë detit zgjati deri në orët e para të mëngjesit dhe nuk mungoi as kërcimi mbi tavolina i vajzës së ditëlindjes.
