Këtë të enjte, reperi i njohur Gjiko ka festuar ditëlindjen e tij të 26. Ai ka festuar ditën e tij të veçantë në club duke kënduar, por nuk i munguan urimet e as surprizat nga njerëzit më të dashur.
Urimi më special ishte ai i bërë nga vetë Gjiko për veten, kur në një postim në “Instagram” shkruan: “Urime ditëlindja GJIKO , mos harro që jeta ka batica e zbatica lumturi e mërzi, qysh tka ka thon gjyshi këtë jetë duhet të mundohesh sa ma shumë me honger, e jo ajo ty. Vazhdo noto si një peshkaqen i madh”.
Ndërkohë një nga surprizat që iu bë reperit ishte një tortë me kartëmonedha 500 euro, që tërhoqi vëmendjen e të gjithëve dhe sigurisht shampanja. “Torta e ditëlindjes”, shkruan reperi teksa publikon pamjet.
E sigurisht që nuk ka munguar as urimi i bashkëshortes së tij, Elita Rudi, e cila nuk ka qenë pranë tij në këtë ditë të bukru. Kjo e fundit ka publikuar në llogarinë e saj në “Instagram” një album me foto ku shfaqen të dy bashkë.
Në urimin e saj, Elita shprehet se ajo është me shumë fat se ka një partner si ai, dhe se fëmija që po pret është gjithashtu me fat që do ketë baba atë. Ajo gjithashtu thotë se e ka bërë atë një femër e një bashkëshorte më të mirë.
““Fëmija ynë do të jetë aq me fat që do të ketë ty baba dhe unë jam shumë me fat që të kam partner. Gëzuar ditëlindjen partneri im në krim, dashuria ime dhe mbreti im. Dua që vetëm ti ta dish sa mirënjohëse jam që kam një burrë të mahnitshëm si ti. Më ke bërë të jem një femër dhe grua më e përkryer. Jam tejet krenare që jam gruaja jote, për jetën që do ta ndërtojmë bashkë. Mezi pres të kthehem në shtëpi dhe të përkëdhelem tërë ditën, të dua aq shumë edhe në shtatzëni dhe e urrej kur jemi larg njëri-tjetrit, sepse me të vërtetë nuk mund të jetojë pa masazhet e tua në këmbë në muajin e fundit, dhe më mungojnë shumë pasi këmbët e mia janë bërë sikur ‘krofne’ dhe ndiej ‘miza’. Do ta jap dhuratën më të bukur shumë shpejt. Ti je gjithçka për mua”, shkroi Elita.
Panorama Plus
© Panoramaplus.al