Babai i Britney Spears ka këmbëngulur se këngëtarja mund të kishte vdekur nëse nuk do të ishte nën kujdestarinë e tij.
Për 13 vite ai kontrolloi çdo aspekt të jetës së yllit të pop-it, ndërsa Britney e quan “është larg të qenurit një përbindësh”.
Në intervistën e tij të parë në më shumë se një dekadë, Jamie, tha: “O Zot, ku do të ishte ajo pa atë kujdestari tani? Nuk e di nëse do të ishte gjallë.”
70-vjeçari është akuzuar se përdori faktin që këngëtarja ishte nën kujdestarinë e tij për të mbushur xhepat dhe për të menaxhuar karrierën e saj.
“Unë e dua vajzën time me gjithë zemër dhe shpirt”, thotë ai. “Kjo situatë mes nesh është thjesht e tmerrshme.”
Ai gjithashtu mbështeti pretendimin e ish-bashkëshortit të saj Kevin Federline se urdhri i gjykatës nuk e shkatërroi marrëdhënien e saj me djemtë e saj Preston, 17 vjeç dhe Jayden, 16 vjeç, por ajo e bëri të mundur rindërtimin e kësaj marrëdhënie.
“Nuk besoj se ajo do e kishte rimarrë kujdestarinë e fëmijëve të saj pa qenë nën menaxhimin tim.”
Gjatë shumicës së atyre 13 viteve, Jamie ndau kujdestarinë me babain e djemve dhe thotë se ata punuan së bashku për t’u siguruar që ta shihnin nënën e tyre sa herë që ishte e mundur.
“Dhe kujdestaria, siç thashë, i dha Kevinit një ndjenjë paqeje dhe mbrojtjeje. Vendimi i gjykatës na lejoi të ndihmonim fëmijët, por edhe të mbronim Britney. Nëse s’do isha aty, ajo s’do i kishte marrë më kurrë fëmijët e saj.”
Marrëveshjet gjyqësore e ndihmuan gjithashtu Britney-n të rindërtonte financat e saj, pretendon Jamie.
“Ajo ishte e thyer,” thotë ai. “Ajo nuk kishte para. Por ne punuam – dhe ajo punoi – dhe u ngrit financiarisht.”
Që nga përfundimi i kujdestarisë nëntorin e kaluar, ka pasur shqetësime në rritje për sjelljen e çrregullt të këngëtares, e cila u martua me modelin Sam Asghari, 28 vjeç, në qershor të këtij viti.
Ajo ka luftuar për të mbajtur një marrëdhënie të mirë me djemtë e saj, të cilët më kanë pranuar se i konsiderojnë postimet e saj seksi “të turpshme”.
© Panoramaplus.al
