Ish-partneri i Jennifer Lopez, Alex Rodriguez ka konfirmuar romancën e tij të re e trajneren e fitnesit Jac Cordeiro.
Çifti i ri, i cili filloi lidhjen më pak se tre muaj më parë, pozoi së bashku me me vajzat e Rodriguez, Natasha, 18, dhe Ella, 14- vjeç, duke publikuar kështu krtolinën e tyre të Krishtlindjes.
“Nga zemrat tona tek tuajat, Gëzuar Krishtlindjet”, ka shkruar Rodriguez krahas fotos, duke shtuar hashtag fjalët: “familje”, “gëzim” dhe “mirënjohës”.
Rodriguez dhe Cordeiro u lidhën për herë të parë në tetor, kur u fotografuan duke ecur “dorë për dore” poshtë Rodeo Drive në Beverly Hills, Kaliforni.
Një burim tha për ‘Page Six’ në atë kohë se atletit “po i pëlqente të kalonte kohë” me 42 vjeçaren.
“Miqtë thonë se ai është shumë i lumtur dhe po shijon kohën që kalojnë së bashku. Ajo është e mrekullueshme! Ajo është një ish-infermiere dhe nënë e dy fëmijëve,” tha burimi i brendshëm.
“Alex është i mrekullueshëm me të dhe vërtet i lumtur”, shtoi burimi.
Romanca e Rodriguez me Cordeiron erdhi një muaj pasi u raportua se ish-atleti ishte ndarë nga Kathryne “Kat” Padgett pas rreth nëntë muajsh takim.
“Ata u ndanë, por mbeten shumë miq”, tha një burim. Padgett, 25 vjeç, ishte gruaja e parë me të cilën Rodriguez u takua publikisht pas ndarjes së tij në vitin 2021 me ish të fejuarën Jennifer Lopez, e cila pak kohë më parë u martua me Ben Affleck .
Pavarësisht ndarjes së papritur, Rodriguez i uroi këngëtares së “Let’s Get Loud”, më të mirat në martesën e saj .
“I uroj asaj dhe fëmijëve, të cilët janë të zgjuar, të bukur dhe të mrekullueshëm, më të mirat,” tha ai gjatë një interviste.
© Panoramaplus.al
