Aktori i njohur i programit të humorit “Duplex”, Albano Bogdo, do të mbyllë çdo rrjet social të mundshëm. Madje duket se do ë fikë edhe telefonin për një farë kohe.
Ai është shprehur se do të shkëputet nga bota e teknologjisë, prej të cilës thotë se kemi fituar varësi.
“I want to break free. Dua të jetoj i lirë. Nuk dua të jem skllav i parave apo i teknologjisë, aq më pak, i famës, e cila është gjëja më e parëndësishme në jetë. Ju falenderoj”, shprehet aktori.
Albano gjithashtu paralajmëron se një ditë mund të lërë edhe vetë ekranin, i cili e lodh shumë: “Kam vendosur të dal e ta jetoj jetën sepse mendoj se jemi bërë skllevër të vërtetë të teknologjisë. Do të mendohem shumë të marr vendimin e duhur dhe me siguri, kam bindjen që përfundimisht do të më duhet të lë edhe ekranin sepse më lodh shumë”.
