Aktori i njohur, Ezra Miller, i cili do të jetë pjesë e filmit të ardhshëm të DC “The Flash”, është arrestuar të martën në ishullin Hawaii për herë të dytë këtë vit.
Miller, 29-vjeç, u arrestua për sulm të shkallës së dytë rreth orës 1:30 të mëngjesit të së martës pas një incidenti në një banesë private në rrethin e ‘Puna’, pranë qytetit të Pāhoa, sipas Departamentit të Policisë së Haëait.
“Gjatë rrjedhës së hetimit të tyre, policia përcaktoi se individi, i identifikuar më vonë si Ezra Miller, u inatos pasi iu kërkua të largohej dhe thuhet se hodhi një karrige, duke goditur një grua 26-vjeçare në ballë“, sipas një njoftimi për shtyp.
Gruaja e plagosur ka refuzuar mjekimin, sipas policisë.
Muajin e kaluar, Miller, i cili më parë u shfaq si ‘The Flash’ në shumë filma me superhero të DC, u arrestua në Hilo, Hawaii dhe u akuzua për sjellje të çrregullt dhe ngacmim pas një incidenti në një bar, sipas policisë.
Policia thotë se Miller është liruar nga burgu në pritje të hetimeve të mëtejshme. “The Flash” aktualisht është planifikuar të dalë në verën e 2023 .
© Panoramaplus.al