Ylli i ‘Miami Heat’, Jimmy Butler dhe këngëtarja Shakira po thuhet se janë në një lidhje, por po i marrin gjërat ngadalë. Sipas burimeve për ‘US Weekly’, thuhet se ai e bën artisten të qeshë dhe asaj nuk i shqetëson diferenca e moshës që kanë me njëri-tjetrin.
46-vjeçarja është 13 vjet më e madhe se Butler dhe burimet thonë se dyshja po takohen prej disa muajsh tashmë, veçanërisht pasi ajo u pa në ndeshjet e Heat gjatë Playoffs NBA 2023 .
“Ata kanë dalë disa herë, por është shumë herët për të thënë nëse ka mundësi që ata të lidhen bashkë”, tha një burim ekskluzivisht për Us Weekly.
“Jimmy e bën Shakirën të buzëqeshë dhe ajo ndihet e lumtur duke kaluar kohë me të.”-shtoi burimi.
33 vjeçari, u pa së fundmi në Wimbledon i ulur disa rreshta larg Shakira-s dhe ata vazhduan festën diku tjetër.
Shakira Steps Out for Slam Dunk Dinner With NBA Star Jimmy Butler https://t.co/HdQtlXeQxw
— E! News (@enews) July 13, 2023
Ata shkuan për darkë në të njëjtin restorant pavarësisht se mbërritën disa minuta larg njëri-tjetrit.
“Dyshja u panë shumë të qetë brenda teksa porositën për të ngrënë në një nga restorantet më të njohura të të famshëmve në Londër.”
Burimet tregojnë gjithashtu se sigurimi i Butler shoqëroi Shakira-n pasi ata u larguan së bashku nga Novikov Restaurant & Bar.
As Shakira dhe as Butler ende nuk i kanë konfirmuar apo mohuar thashethemet për lidhje. Kujtojmë se ylli latin po përflitej prej disa ditësh për një romancë të mundshme me yllin e Formula 1, Lewis Hamilton.
