Fjoralba Ponari ka treguar se partneri i saj, Françesko, nuk është i famshëm dhe nuk dëshiron të jetë në qendër të vëmendjes, prandaj moderatorja nuk poston shpesh me të në rrjete sociale.
Megjithatë, gjatë një interviste virtuale të zhvilluar mbrëmë me ndjekësit e saj, këngëtarja nuk i shpëtoi dot pyetjeve për sportistin e xhudos.
“Ty të duan të vegjël e të rritur. Ç’mendim ka Franci, ndihet në siklet?”, e pyet një ndjekëse, së cilës Fjoralba iu përgjigj: “Sigurisht që me punën që unë bëj, vjen vëmendja dhe përgjegjësia publike dhe fatkeqësisht atij i pëlqen jeta e qetë dhe pa zhurmë, ndaj natyrisht të qenit në qendër të vëmendjes nuk është pjesë e listës së gjërave të tij të preferuara, por është gjithmonë mirëkuptues dhe më mbështet në çdo hap që unë ndërmarr! Ai është mbështetësi im më i madh!”.
Pasi artistja bëri publike marrqëdhënien e saj vitin e kaluar, ndjekësit ishin shumë kuriozë të zbulonin planet që çifti ka për të ardhmen. E pyetur se kur do të martohet, Fjoralba tha: “Po pse, po më mban mbi shpinë ti, apo me të ngrënë e të pirë që qenke mërzitur? Ka halle më të mëdhaja se martesa jeta!”.
