Angelina Jolie dhe The Weeknd janë fotografuar duke shijuar një drekë së bashku, pavarësisht betejës së aktores me ish-bashkëshortin e saj, Brad Pitt, për kujdestarinë e fëmijëve.
Sipas “The Sun”, 46-vjeçarja vendosi që të takohet me këngëtarin në Santa Monica. Ata u fotografuan në restorantin italian “Giorgio Baldi”. Raportohet se Angelina dhe The Weeknd qëndruan rreth dy orë e gjysmë duke biseduar me njëri-tjetrin në një seksion pivat brenda restorantit luksoz.
Gjithashtu, aktorja shkoi vetëm në restorant, por më pas doli bashkë me The Weeknd.
Kjo nuk është hera e parë që dyshja shihet në shoqërinë e njëri-tjetrit. Në muajin korrik, ata u panë bashkë në një koncert në Los Anxhelos.
Angelina dhe Brad u divorcuan në vitin 2014, por po luftojnë ende për kujdestarinë e gjashtë fëmijëve të tyre: Maddox, 20 vjeç, Pax, 17 vjeç, Zahara, 16 vjeç, Shiloh, 15 vjeç dhe binjakët Vivienne dhe Knox, 13 vjeç.
